Sa Pagbabasa ng mga Nakaraang Tala

Nadama ang mga pasong emosyon.

At napagtanto muli ang mga noo’y alaala.

Naamoy muli ang bango,

nalasahan ang tamis at pait,

naramdaman ang akap at halik

ng mga tao at pangyayari

na bumubuo sa nakaraan.

Nakaraang nagdulot ng sakdal na kaligayahan,

kalungkutan at katuturang

nagpahusay sa buhay.

Buhay na ngayo’y ipinagpapatuloy

Bago humimlay.

Napagtanto muli ang mga noo’y alaala,

at nadama ang mga pasong emosyon,

Sa pagbabasa ng mga nakaraang tala.